Budhana Ligo Esperantista  
    RET-BULTENO
    		   
    virtuala organo de Budhana Ligo Esperantista             n-ro 1-a  k. lasta , Sep. 2002
    antauxa n-ro Bulteno n-ro 0al  
     
    Enhavo:
      Fondita !: B.L.E.
      Lancxitaj Budhanaj libroj dum la U.K.
      Invitita: Artikolo por Kontakto
      Okazigita: Vesak-Festado
      Renaskigxita: Budho de Bamijan' en Brazilo
     

      F O N D I T A ! ! !

    Tagmezon de vendredo, la lasta labortago de 87-a Universala Kongreso de Esperanto, cxirkaux 39 homoj partoprenis la (re)fond-kunvenon de Budhana Ligo Esperantista (jen estis pli, jen estis malpli, cxar kelkaj eniris pri scivolo kaj foriris post nelonge).
    S-ino Utako Kobayasi disdonis numerojn de la bulteno La Japana Budhano, kaj multe fotis.
     
     
       
    		                          
                           

    Cxe altaro estis bela portreto de Budho Ŝakjamunio, flanke de kiu bruligxis bonodoraj incensoj faritaj el brazilaj kaj sudamerikaj herboj. Dekstre pendis la internacia flago de Budhismo, kaj maldekstre tuko kun Darmo-rado kaj la literoj B.L.E. Gunnar Gällmo malfermis la sesion kaj legis la salut-mesagxon de Japana Budhana Ligo Esperantista, en kiu gxi petas farigxi filio de B.L.E.
    Poste li legis la celojn kaj komitatpostenojn, kiuj estis aprobitaj de la pleno. La cxeestantoj faris multajn demandojn, kiuj estis responditaj de prezidanto Gällmo. 

    prezidanto:      Gunnar Gällmo (Svedio)
vicprezidanto:   Jose Antonio Vergara (Cxilio)
gxen. sekretario:Yamaguti Sin'iti (Japanio)
kasisto:         Yamamoto Osamu (Japanio)
redaktoro:       Yamaguti Sin'iti
informanto al esp-istoj:Karma Chöki Wangchuk
informanto al budhanoj:Leon Roijen (Nederlando)
administranto de TTT-ejo:Gxan Uxesli Starling (USN)
administranto de reta listo:Stephen Schwichow (USN)

    La Kongresa Kuriero n-ro 6 bone raportis pri la refondo de nia Ligo kaj multaj interesigxis. La adreso estas: www.uea.org/cgi/m.cgi?m=ghu;d=esperanto_p/servoj/kongresoj/2002/kuriero6.html

    Sur la cxambra tabulo estis skribita la ret-adreso http://www.budhanoj.rg3.net, kiu ligigxas al BLE oficiala TTT-ejo.

  • En pli intima kunveno, nia vic-prezidanto renovigis sian rifugxon, kaj ricevis kiel memorajxon hindan incenson kaj verdan budhanan rozarion.

      LANCxITAJ
      en la 87-a Universala Kongreso de Esperanto:

    • La Dharmo-pado - Antauxparolo de Renato Corsetti tradukis el la palia lingvo: Gunnar Gällmo, Eldona Societo Esperanto, Stocholm. 2002. 110 p. ISBN 91-85288-25-X
    • Gällmo, G. - Kelkaj Faktoj pri Budhismo. Eldona Societo Esperanto, Stocholm. 2002. 77 p. ISBN 91-85288-27-6
    • Yamaguti, S. - Enkonduko en Budhismon. Japana Budhana Ligo Esperantista, Nagoya. 2002. 112 p. ISNB 4-901651-00-5

      INVITITA

  • Rezulte de la informado pri la prepararangxoj por la refondo de nia Ligo, nia komitatano pri informado al E-istoj ricevis inviton verkin longan artikolon por gazeto Kontakto, oficiala organo de TEJO.
    Espereble, la enkondukaj informoj pri Budhismo povu allogi multajn gejunulojn al la Darma vojo.
    Se iu volas vidi liajn malnetajn notojn,     jen ili estas.

      •  Vesak-festado

      OKAZIS VESAK-FESTADO

    En la sama tago kiam lancxigxis nia virtuala bulteno, okazis en Brazilo (same kiel en multaj partoj de la mondo) granda festado de Vesako. Gxin okazigis, cxiuj tradicioj reprezentataj en la lando.
    Cxi tie oni vidas foton de la malfermo.
    © Dharmanet.com.br
     

      BAMIJAN-BUDHO RENASKIGxIS EN BRAZILO
    Taleban-milicianoj bomb-detruis la gigantajn Budhojn, kiuj dum jarmiloj protektis la silkan vojon en Afganio.
    "En la mateno de la tago 13-a de marto 2001, la bildo de la eksplodo rompis la vualon kaj malkovris en koro de bonvenigema popolo la Budhon detruitan en Bamijan', sed nun alta je 108- metroj, la duoblo de la originala dimencio. En la centro de Sud-Ameriko, Okcidento kaj Oriento denove renkontigxas, tiam por estigi la pacon. Tiu granda Budho en Sud-Ameriko ekaperas por kunvenigi malsamajn Budhanajn skolojn kaj pliprofundigi la dialogon inter ili."
    En sia revo, la iniciatinto povas vidi ne nur la gigantan Budhon, sed templojn de diversaj tadicioj cxirkauxantaj la lokon.
    Li raportas ke la kamparanoj ofte vidas strangajn lumojn cxirkaux la "Japana Monto", kaj ili spontanee komencis skulpti miniaturojn de la granda Budho. Li planas skulpti tiun rugxecan sablosxtonan monton, por ke ankaxu aliaj homoj povu vidi la grandan Budhon, kiun gxi enhavas.
    Dum tiu cxi bulteno estas verkata, la bonzo Gustavo Pinto, kiu respondecas pri la projekto, kunvenas en Azio kun majstroj de diversaj tradicioj (skoloj), inkluzive la japana Zen-tradicio kaj cxina Cxan-tradicio. Baldaux li renkontigxos kun Lia Dalai-Lamaa mosxto.
    Li havas pagxon kun klarigoj en la portugala kaj en la angla, kaj post lia reveno de Azio, estos la Esperanta versio.


    "Tiel, Budho neniam malaperos; dum Iluminigxo ekzistu.
    Tiu cxi Ilumnigxo ja aperigas sian figuron kiel Lumo de sia Sagxo, kiu vekas la homojn al la viv-renovigo ... "
          ( el BLE-ret-bulteno n-ro 0 )

    La fotoj estas:
    1. La Budho de Bamijan' , kie hodiaux restis nur la kavajxo.
    2. Bamijan-valo en Afganio, kun nicjxo en la plej alta monto.
    3. La Bamijan-Budho renaskigxi(o)nta en Brazilo.
        © Globo-TV-reto.