Budhana Ligo Esperantista  
    RET-BULTENO
    		   
    virtuala organo de Budhana Ligo Esperantista             n-ro 1-a  k. lasta , Sep. 2002
    antaŭa n-ro Bulteno n-ro 0al  
     
    Enhavo:
      Fondita !: B.L.E.
      Lanĉitaj Budhanaj libroj dum la U.K.
      Invitita: Artikolo por Kontakto
      Okazigita: Vesak-Festado
      Renaskiĝita: Budho de Bamijan' en Brazilo
     

      F O N D I T A ! ! !

    Tagmezon de vendredo, la lasta labortago de 87-a Universala Kongreso de Esperanto, ĉirkaŭ 39 homoj partoprenis la (re)fond-kunvenon de Budhana Ligo Esperantista (jen estis pli, jen estis malpli, ĉar kelkaj eniris pri scivolo kaj foriris post nelonge).
    S-ino Utako Kobayasi disdonis numerojn de la bulteno La Japana Budhano, kaj multe fotis.
     
     
       
    		                          
                           

    Ĉe altaro estis bela portreto de Budho Ŝakjamunio, flanke de kiu bruliĝis bonodoraj incensoj faritaj el brazilaj kaj sudamerikaj herboj. Dekstre pendis la internacia flago de Budhismo, kaj maldekstre tuko kun Darmo-rado kaj la literoj B.L.E. Gunnar Gällmo malfermis la sesion kaj legis la salut-mesaĝon de Japana Budhana Ligo Esperantista, en kiu ĝi petas fariĝi filio de B.L.E.
    Poste li legis la celojn kaj komitatpostenojn, kiuj estis aprobitaj de la pleno. La ĉeestantoj faris multajn demandojn, kiuj estis responditaj de prezidanto Gällmo. 

    prezidanto:     Gunnar Gällmo (Svedio)
vicprezidanto:  Jose Antonio Vergara (Ĉilio)
ĝen. sekretario:Yamaguti Sin'iti (Japanio)
kasisto:        Yamamoto Osamu (Japanio)
redaktoro:      Yamaguti Sin'iti
informanto al esp-istoj:Karma Chöki Wangchuk
informanto al budhanoj:Leon Roijen (Nederlando)
administranto de TTT-ejo: Ĝan Ŭesli Starling (USN)
administranto de reta listo:Stephen Schwichow (USN)

    La Kongresa Kuriero n-ro 6 bone raportis pri la refondo de nia Ligo kaj multaj interesiĝis. La adreso estas: www.uea.org/cgi/m.cgi?m=ghu;d=esperanto_p/servoj/kongresoj/2002/kuriero6.html

    Sur la ĉambra tabulo estis skribita la ret-adreso http://www.budhanoj.rg3.net, kiu ligiĝas al BLE oficiala TTT-ejo.

  • En pli intima kunveno, nia vic-prezidanto renovigis sian rifuĝon, kaj ricevis kiel memoraĵon hindan incenson kaj verdan budhanan rozarion.

      LANĈITAJ
      en la 87-a Universala Kongreso de Esperanto:

    • La Dharmo-pado - Antaŭparolo de Renato Corsetti tradukis el la palia lingvo: Gunnar Gällmo, Eldona Societo Esperanto, Stocholm. 2002. 110 p. ISBN 91-85288-25-X
    • Gällmo, G. - Kelkaj Faktoj pri Budhismo. Eldona Societo Esperanto, Stocholm. 2002. 77 p. ISBN 91-85288-27-6
    • Yamaguti, S. - Enkonduko en Budhismon. Japana Budhana Ligo Esperantista, Nagoya. 2002. 112 p. ISNB 4-901651-00-5

      INVITITA

  • Rezulte de la informado pri la prepararanĝoj por la refondo de nia Ligo, nia komitatano pri informado al E-istoj ricevis inviton verkin longan artikolon por gazeto Kontakto, oficiala organo de TEJO.
    Espereble, la enkondukaj informoj pri Budhismo povu allogi multajn gejunulojn al la Darma vojo.
    Se iu volas vidi liajn malnetajn notojn,     jen ili estas.

      •  Vesak-festado

      OKAZIS VESAK-FESTADO

    En la sama tago kiam lanĉiĝis nia virtuala bulteno, okazis en Brazilo (same kiel en multaj partoj de la mondo) granda festado de Vesako. Ĝin okazigis, ĉiuj tradicioj reprezentataj en la lando.
    Ĉi tie oni vidas foton de la malfermo.
    © Dharmanet.com.br

     

      BAMIJAN-BUDHO RENASKIĜIS EN BRAZILO
    Taliban-milicianoj bomb-detruis la gigantajn Budhojn, kiuj dum jarmiloj protektis la silkan vojon en Afganio.
    "En la mateno de la tago 13-a de marto 2001, la bildo de la eksplodo rompis la vualon kaj malkovris en koro de bonvenigema popolo la Budhon detruitan en Bamijan', sed nun alta je 108- metroj, la duoblo de la originala dimencio. En la centro de Sud-Ameriko, Okcidento kaj Oriento denove renkontiĝas, tiam por estigi la pacon. Tiu granda Budho en Sud-Ameriko ekaperas por kunvenigi malsamajn Budhanajn skolojn kaj pliprofundigi la dialogon inter ili."
    En sia revo, la iniciatinto povas vidi ne nur la gigantan Budhon, sed templojn de diversaj tadicioj ĉirkaŭantaj la lokon.
    Li raportas ke la kamparanoj ofte vidas strangajn lumojn ĉirkaŭ la "Japana Monto", kaj ili spontanee komencis skulpti miniaturojn de la granda Budho. Li planas skulpti tiun ruĝecan sabloŝtonan monton, por ke ankaŭ aliaj homoj povu vidi la grandan Budhon, kiun ĝi enhavas.
    Dum tiu ĉi bulteno estas verkata, la bonzo Gustavo Pinto, kiu respondecas pri la projekto, kunvenas en Azio kun majstroj de diversaj tradicioj (skoloj), inkluzive la japana Zen-tradicio kaj ĉina Ĉan-tradicio. Baldaŭ li renkontiĝos kun Lia Dalai-Lamaa moŝto.
    Li havas paĝon klarigoj en la portugala kaj en la angla, kaj post lia reveno de Azio, estos la Esperanta versio.


    "Tiel, Budho neniam malaperos; dum Iluminiĝo ekzistu.
    Tiu ĉi Ilumniĝo ja aperigas sian figuron kiel Lumo de sia Saĝo, kiu vekas la homojn al la viv-renovigo ..."
          ( el BLE-ret-bulteno n-ro 0 )

    La fotoj estas:
    1. La Budho de Bamijan' , kie hodiaŭ restis nur la kavaĵo.
    2. Bamijan-valo en Afganio, kun niĉo en la plej alta monto.
    3. La Bamijan-Budho renaskiĝi(o)nta en Brazilo.
        © Globo-TV-reto.